Wettstai

Zum 4. Summerstamm het ys dr Ruedi zu-me-ne Rätsel Stadtgang yyglade. Troffe hän mer ys bim Stachelschützebrunne. Bevor mer in vier Gruppe uffteilt worde sin, het ys dr Ruedi no sämtliggi interessante Fakte zum Stachelschützebrunne mit uff e Wäg gää. Mit vielne spannende Frooge hän sich d'Gruppe jetzt durch d'Grossbasler Altstadt grätsled zem s Löösigswort schnällschtmöglich uuse z'finde. Bi zwei Gruppe het's «Stadtkäller» g'haisse und bi de andere Zwei «Stammbaiz». Dört isch abr nit s'Ziel gsi, sondern im Bruune Mutz, wo mr no alli zämme z'Nacht gässe und dr Oobe usklinge loo hän ...

Nach me aasträngende Velo-Stamm über Stock und Stei und me lehrriche zweite Summerstamm z Fuess durch d Stadt, isch für d Wettstai bim dritte Stamm die verdienti Erhoolig aagstande und zwar nit uf em Feschtland, sondern uf em Babbe Rhy, gnauer uf em Rhystärn. Bi Bier, Wysswyy, Fischknusperli und feine Burger hän mir s Läbe gnosse und sin bi beschtem Wätter Rhy uff und ab gfaare und das öbbe je drei Mol. Dank dr Sara und dr Pascale hän mir zudäm e super Plätzli uf em Heckboard ka, wo mir praktisch ungstört gsi und beschtens serviert worde sin. Obe uf ...