Glyggeoobe 2016

Wann:
09/01/2016 um 16:45 – 10/01/2016 um 00:00
2016-01-09T16:45:00+01:00
2016-01-10T00:00:00+01:00
Wo:
Allmändhuus
Allmendstrasse 36
4058 Basel
Schweiz

S Motto isch:
„e Zytrais mit dr Wettstai Clique“

Am 9. Jänner 2016 findet wiider e Glyggeoobe im Allmändhuus statt. D Yylaadig mit de gnaue Aagoobe sinn jetzt uffgschalte und wäärde de Passyve brieflig und de Aggtyve per E-Mail zuegstellt.
Do isch d PDF vo dr Yylaadig > >Yylaadig zem Glyggeoobe 2016

E baar Frooge an OK Obmaa vom Glyggeoobe 2016

13 Thomas Schneider, alias Schnitzge

Froog:       Wie bisch Du OK-Obmaa vom Glyggeoobe worde?
Antwort:   Obmaa? Ganz aifach, ha im Vorstand noochgleggt, dass es wichtig wär
wiider e Glyggeoobe uff d Bai zstelle und scho bisch en…

Froog:      Wie setzt sich das OK zämme?
Antwort:  Au ganz aifach, me froogt e baar Cliquekollege vo dr schwaarze Garde… 

Froog:     Wie isch me uff e Mottonamme ko?
Antwort:  Mir isch zuefällig s Buech 50 Joor Wettstai-Clique in d Händ groote mit
all däne heerlige Foteli vo friehner z.B. die  vo dr Drummelschuel vo 1967…

Froog:      Wie muess me sich die Zytrais mit dr Wettstai vorstelle?
Antwort:  Will do nit zvyyl verroote, aber me wird in Erinnerige schweelge könne und
drbyy glyychzyttig d Fasnachtsluft im Saal gniesse.

Froog:      Wiird alles uus aigenem Boode bestritte?
Antwort:  D Aggtyvmitgliider vo de Knorzi, dr Alte Garde und em Stamm wärde sehr
gforderet, aber es het natürligg au no Blatz  für  e baar extäärni Ueberraschige.

Froog:      Gits muusiggkalischi und kulinarischi Spezialitäte?
Antwort: 
S wird bestimmt baides sehr Fasnachtslaschtig, was emänd nit originell,
aber allewyyl e Gnuss isch.

Vyyle Dangg Schnitzge fir Dyni kompetänte Antworte!

Also liebi Aggtyvi und Passyvi vo dr Wettstai Clique, es lohnt sich an däm
Glyggeoobe derbyy zsy, suscht versuumt me s erschte Highlight vom
Wettstai Cliquejohr 2016

Dr Glyggeoobe under em Motto „e Zytrais mit dr Wettstai Clique“ isch e volle Erfolg gsi. Dr ganz Oobe isch vo Gröösse gfilmt woorde und die Video sinn ze drey DVD verarbaitet woorde. Wär dra interessiert isch, ka die do bstelle > > ruedi.hintermaa@bluewin.ch
Do no je e Müschterli vo de Knorzi,  em Stamm und dr Alte Garde: