Pfyfferplausch 2017

Dr diisjöörig Pfyfferplausch isch nach Tradition vom Martin Rohner, em amtierende Pfyffer vom Joor organisiert worde. Im Innehöfli vom Martin sim neue Wohnsitz „Zum Waldvögeli“ isch me gmietlich zämmeghoggt. S Salat- und Dessertbuffet isch vo de Pfyffer ergänzt worde, jede het sis Fleisch für ufe Grill mitbrocht und als kulinarischi Überraschig het uns dr Martin e feyni Paellia zauberet. Nach em Ässe het denn no chli miesse gschafft wärde. So hän verschiedeni Begriff rund ums Thema Fasnacht miesse pantomimisch (und uff Zytt!) vorgstellt und errote wärde. Em Bruno Widmer isch dr Begriff „Stadtkäller“ zum Verhängnis worde und so dörfe mir stolz unsre neue Pfyffer vom Joor präsentiere. Danke Martin für dä glatti Oobe und mir freue uns scho jetzt uf dr negschdi Pfyfferplausch bim Bruno!