Die perfäggt Leesig nach Breit: GRYZ-um-ZUG Schwyzer und Schotte dusche s Staatsgebiet.
Basel, Bärn, Edinburgh – S isch e historische Beschluss vo de Regierige vo Schottland und dr Schwyz: Nach dr Brexitentschaidig nett Schottland dr Regierig in Bern dr Vorschlag gemacht, ass beidi Länder ihri aagstammte Staatsgebiet miteinander dusche. D Schwyz kunnt ändlig us ihrer Umzingelig dur d EU-Staate uuse, und Schottland zieht als EU-Befürworter – fremd geworden in Grossbritannie – ins Härz vo dr EU. Erstuunlig unbürokratisch hänn beide Länder dä historisch Kuhhandel-Deal yygfädlet. Är seht vor, ass no in dämm Joor 8 Millionen Schwyzer in Norde vo dr britische Inseln und 5,3 Millionen Schotte in d Alpe ziigle wärde.
Do gsehn ihr scho die erschte wo ziigle:
GRYZ-um-ZUG als Chance für transpirierendi Politigger, nid Nummer in dr Schwyz und Schottland, nai in ganz Europa: Die kiehle Schwyzer, (nid verwäggsle mit de heisse Schwitzer), switche in Horde in Norde, während d Schotte, (eebefalls nid z verwäggsle mit de Hotte und de Totte), ins europäische Zentrum rugge. Verruggt, aber ideal. Us dääre Völggerwanderig entsteen d Schwotte, uffdailt in Nord-Schwotte und Süd-Schwotte. Ethnologe sage voruss, ass das Mutationspotential e neui Dimension vo Aigenart und Endemismus begünschtigt.
Ich dangg allne fyr ihr Ysatz, de tolle Idee und Umsetzige vo de verschiedene Persone. Es isch trotz Schwotte-Wätter (Räge) e ganz e geili Fasnacht gsi.
do no e paar Filmli: