Dr 2. Summerstamm hett sich em Thema Basel-Dytsch und Film gwidmet. Mr hänn is em Sportblatz Landauer droffe. Dr Schlutti hett uns versuecht unsere Basler Dialäggt nööcher z bringe u.a. mit de Wöörter- und Grammatikbiecher vom Ruedi Suter und em Ärnscht Meister. Zuedäm hett är d Glaibaslerzytig Vogel Gryff mit eme Artiggel zer Höschsprooch mitbrocht. E Voorgoob in „Schriftsprache" hänn mr no döörfe übersetze.
In de Innerüüm vom Clubhuus isch no Filmmaterial vo alte Wettstaizyte uff d Lyynwand projeziert woorde. Was do alles an de Herreuusflüüg und Sujetpräsentazioone abgloffe isch, hett ainigi heftigi Lacher uusglöst.
Verköschtigt hett me sich mit mitbrochtem Unveganischem uff em Grill, wo vom Peter Schenk in Betriib ghalte woorde isch. S isch e glungene Stamm gsi.
E Dangg an s OK.