Dr 3. Summerstamm hett s Thema Landschaftspargg Wiese behandlet. S OK mit dr Melina und em Schnitzge hänn dr Dräffpungt by dr Dramschlaufe Eglisee feschtglegt.
Döört hänn uns die baide Ranger Yannik und Raphael begriesst und is nit nur dr 600 Heggtar grooss Landschaftpargg Wiese, sondern au d Uffgoobe und Rächt vom e Ranger nööcher brocht.
Umfasse duet dr Landschaftspargg Wiese s Dringgwasser, d Erhoolig, dr Naduurschutz, d Forscht- und Waldwirschaft sowie d Landwirtschaft. Ze däne Theme dien d Ranger d Parggbsuecher zer vyylfältige Nutzig sensiblisiere , aber au über die gältende Verhaltensregle informiere. Es isch e seer leerryche Summerstamm gsi.
Dä hett im Schreebergaarte-Clubhuus Wylermatte dä Summerstamm by Spyys und Drangg gändet.
E groosse Dangg an s OK.