Ab de 6i isch's los gange uff dr Sandgrueb, d'Knorzi samt Familie und au vieli vom Stamm sin langsam iitrudled. Wärend d'Eltere flissig grilliert hän, sin d Knorzi, in zwei Teams, in mehrere Spiili, gegenander aaträtte. Vo Frisbee über Cornhole bis zu PingPong balanciere isch alles drbii gsi und dangg dr professionelle Leitig vo dr Jessica het au alles beschtens klappt. Drnoch hän mer wie immer gmietlich gässe, pläuderled und witer gspiilt, bis dä schön Summeroobe emol z'Änd gange isch. E grosse Dangg goht au no an Christoph, wo sich um e Grill und d'Finanze kümmered het.
Fabian
