D'Schwotte sinn loos

Am 26. Merze hänn sich d'Mitglieder vom Stamm bi heerligem Wätter bim Brunne vor em Kunschtmuseum droffe.  Z'Fuss sin mir denn dur St. Alban-Vorstadt spaziert. Unsere glaine Fuessmarsch het denn ca. 50 Meter näbem ursprünglige Träffpungt bim Flanagan's Pub am Picassoplatz gändet und scho hets dr erscht Apéro gä. Zu scheene schottische Klänge sinn mir den über d'Wettstai Brugg ins Glaibasel bis zur Brauerei gloffe. S'Aesse und d'Stimmig sin erschti Klass gsi.

An wäre Stell e härzligs Mèrsi an d'Nicole und dr Zögge fürs Organisiere vom Bummel. 

Gege di 4i sinn mir denn vor dr Brauerei yygstande und hänn ys uff e erschte Waggel am Rhy entlang Richtig Mittleri Brugg begää. Vom erschte Halt bi dr Mittlere Brugg isch es denn diräggt ins Grossbasel gange und s'Gässle het si Lauf gno. Wie allewyl het au die obligat Rundi dur Freie Stroos nit dörfe fähle.