D‘ Wettstai zwüsche Äffli und Änte

Am Wucheänd vom 21. -und 22. Auguscht het dr Tierpark Langi Erle sy 150-Jöörigs bestoo gfyyrt. Will e anderi Glygge drei Wuche vor em Fescht abgsäit het, sin mir kurzfrischtig vom Fescht-OK aagfrogt worde ob mir wotte/könne yspringe.

Unter de Leitig vom Peter Schenk het d’Wettstai die Chance ergriffe und sich uf das Wucheänd vorbereitet. Als ehemalige Kuchichef im Militär, het sich dr Peter für’s aabiete vo Militärkäässchnitte entschiede. Dank dr zue Verfiehgig gstellte Infrastruktur durch sy Göttibueb und de Glyggegspöönli wo sich zur Mithilf gmolde hän, isch däm Fescht nüt me im Wääg gstande. An de beide Feschtdääg isch dr Peter byraits am 6i dr Moorge in dr Kuchi gstande zem d Kääsmasse vorzberaite, do die 3-4 Stund muess zieh bevor sy striichbar isch. Vo flissige Wettstainlemer*inne sin über die zwei Dääg 24Kg Kääsmasse uf 22Kg Brot gschmiert und vom Peter frittiert worde, bis mr am Sunntig am 4i friehzytig usverkauft sin gsyy. Glychzytig hän mr näbedraa als Bsunderheit Amselbräu usgschängt, was bi de Feschtbsuecher als abwächslig zur Fäldschlösslidose sehr gued aakoo isch. Am Sunntig am 6i isch e glunges Fescht mit erfreulich viele Bsuecher und tollem Wätter z’änd gange und d’Wettstai het sich vo Ihrne nochbere, de Äffli und Änte verabschiedet. E Grosse Dangg goht an Peter und alli andere Wettstainlemer:inne wo flissig mitgholfe hän!