Amne Fritigobe im Novämber het sich e kleins Grüppli vom Vorstand zum alljöhrliche Vorstandsässe zämmegfunde. D Iladig hets scho adütet – es wird e aktive Obe. So hämr uns denn au im Bowling Center bim Dreispitz igfunde und uns uf drei Bahne ufteilt. In Kleigruppe sin mr gegenand aträtte und jede het sis Könne odr amigs au Nidkönne unter Bewiis gstellt. Im Final het sich d Gabi gege dr Walti und dr Schnitzge duregsetzt und isch schliesslich zur Bowlingkönigin krönt worde. Nach dere Stimmigsachterbahn hän mir uns s Ässe redlich vrdient und hän uns vo Pizza und Bier verköschdige loh. Do dr Obe no jung gsi isch hän mr uns ins Werk 8 verschobe und en dört gmietlich usklinge loh. Ich dank unsrer Pfyfferchefin für d Organisation vomene glungene und das Joor biz andere Vorstandsässe. Schön ischs gsi!
Yael Oertli
