D Priska Moser und dr Jörg Honegger hän d Wettstai yyglaade um Iire runde Geburtsdaag z fyyre. Iber s Alter wänn mer do an sällere Stell nit gross schwätze.
Mitme kurze Gässle zer Baiz am Haafe unde het den die glai Grubbe vo dr Wettstai sich mitme Ständeli fird Yylaadig bedanggt. Dr Obmaa het mit sym traditionelle, wältumfassende Wisse ussem Internet, die baide Jubilaare vorgstellt und gratuliert.
Bi Grillade, Bier, Wyy und Knabberzygs sin mer denn gsellig worde und hän dr Oobe gnosse. Irgend sone luschtige het denn no d Idee gha uff e Radarmascht zglättere und syni Daagwacht, meer oder minder zem beschde zgää.. Dr Wind isch halt rächt stargg gsi dert oobe.
Um die ains umme sind denn die letschte gange und d Gaschtgäbere het kenne zuemache und haim go pfuse.
Im Namme vo dr Glygge dangg y nomol de beide Jubilare, Priska und Jörg fird Yylaadig und wintsch alles Gueti.
Es gRUESST wien allewyyl dr "Drummelhundbizwienejunggardischt"
