S offizielle Glygge-Grümpeli
Am offizielle Glygge-Grümpeli vom 28./29. Juni 2015 hänn in de Kategorie Gmischti und Schutter je e Mannschaft mitgrümplet. By de Gmischte het sich d Mannschaft under em Namme PUMA erscht im Halbfinal miesse gschlaage gä. Em Spiil um e 3. Blatz hänn si sich wiider duregsetzt und gwunne. Bravo.
d PUMA vo dr Wettstai sinn by de Gmischte uff e 3. Blatz ko
Au d Schutter under em Namme ASTRAin iine hänn d Qualifikazioon am Samschtig iiberstande. Beesi Zunge behaupte d Iberaasträngig haig nit uff em Blatz stattgfunde! Drotz em Pirlo synere Mithilff het s am Sunntig nur no in d Zwischeruundi glängt! Freut het s Zämmespiil vo de Junge mit de gsetztere Herre gmacht. S Highligth isch em Schnytzge syni sensazioonelli Sytefallrugg-zierkischte gsi.
dr Pirlo unde rächts