Am diesjöörige Offizielle hän sich widr e paar Wettstainlemer de Konkurränz gstellt und das isch debii usekoh:
Gstartet het dr Kevin im Damboure Einzel am 10 vor 10i im grosse Saal vom Volkshuus in däm är dr Concord zum Beschte gäh het und das sehr souverän.
Am Schluss hets em denn im Saal für dr 25. Platz vo 32 glängt, womit meh durchus zfriede kah sii.
Am halb Zwölfi znacht het denn no d Dambouregruppe mit em Kevin, Sven und Fabian ihre Uftritt im Unionsaal vom Volkshuus kah. Wenn meh dr Iebigsufand ahluegt (knapp über 0) kah meh mit em Uftritt und em Resultat absolut zfriede sii, was mr notürlich au sin. Zoge hän mr d Faschtewaje und worde sin mr 12. vo 14 in unserem Saal.