Beraits sit 10 Joor isch d' Wettstai mit de Waageglygge Ammedysli befründet. In däne 10 Joor het me vier Sujets zämme usgspiilt und isch als ai Zug d' Cortège-Route gloffe. Uf die vier Fasnachte und wie die Fründschaft entstande isch, do kömme mr no am Määntig und Mittwuch druff zrugg. Jetzt widme mr uns ganz dr Waagevernissage vo de Ammedysli. Statt finde duet sy immer am spöötere Samschtignoomidaag vor dr Fasnacht, und immer am däm Ort wo dr Waage au baut worde isch. Als Dangg das mir als Wettstai all Joor an däm Aaloss iiglade sin, gän mr jewiils e Ständeli. Dr Waage wird vo de Ammedysli vorgstellt und drno vo allne Gescht gnauschtens beguedachtet und bestuund. Me hoggt no zämme bi beschter Verpflägig und lost dä schön Aaloss usklinge. Drnoch goots miteme vorfreudige Kribble im Buuch uf e Heimwääg.
