Wettstai Beiz am Basel Tattoo

Mir hänn wiider e Baiz am 10. Basel Tattoo vom Donnschtig, 16. Juli 2015 – Samschtig 25. Juli 2015 ka.
Zerscht e ganz grosse Dangg an Scheff Peter Schenk. Dr Peter het mit synere Erfaarig als Profikoch und Feschtbaizer mit sym OK d Tattoobaiz wiider ufferstoo losse! Dr Dangg goot au an die vyyle Aggtyve und Passyve vom Stamm, aber au die wenige vo dr Alte Garde, wo in dr Kuchi, em Uusschangg oder im Service, syt em Donnschtig, 16, Juli und bis am Samschtig, 25. Juli 2015 bzw. gege e Sunntigmorge vom 26. Juli 2015 in drei Daages- oder Nachtschichte, iire Byydraag glaischtet hänn. D Stimmig un-derenander isch so guet gsi, dass es richtig Spass gmacht het! Wills kaini Kääskiechli gä het, hesch au kaine flueche ghört!
Erfreulig isch au dr Bsuech vo de vyyle aggtyve und passyve Wettstainlemer in dr Tattoobaiz gsi. Au iine e Danggschön, will sii doch e groosse Byydraag an d Umsatz-staigerig glaischtet hänn.