Am Donnschtig, 04. Juli 2019, hett dr erschti Summerstamm vo dr Wettstai in dr Griene Amsle stattgfunde. An däm Aaloss liige jewyyls Stamm-Chronik-Biecher uff. Das Aagebot wiird gärn gnutzt, wäärde doch bym yyneluege männgi Erinnerige wiider wach. S isch erstuunlig gsi, was me do alles hett könne entdegge. Als Byspiil dä jungi Yysbäär mit eme „grande baffo" unter dr Naase, so wie das doomools Mode gsi isch.
Dusse und dinne vo dr Griene Amsle isch Kaarte gspiilt und derbyy ainiges an Amsel-Bier zwitscheret woorde. Bis Schultheisse isch au e Spyskäärtli uffglääge, was die Maischte zem e feyne Znacht bstelle gnutzt hänn. D Stimmig an däm Oobe isch so luschtig und gmietlig gsi, dass es e Dail grad no gnapp uff s letschte Drämli gschafft hänn.
Gschriebe vom Digge Pfyffer
