Zum 4. Summerstamm het ys dr Ruedi zu-me-ne Rätsel Stadtgang yyglade. Troffe hän mer ys bim Stachelschützebrunne. Bevor mer in vier Gruppe uffteilt worde sin, het ys dr Ruedi no sämtliggi interessante Fakte zum Stachelschützebrunne mit uff e Wäg gää. Mit vielne spannende Frooge hän sich d'Gruppe jetzt durch d'Grossbasler Altstadt grätsled zem s Löösigswort schnällschtmöglich uuse z'finde. Bi zwei Gruppe het's «Stadtkäller» g'haisse und bi de andere Zwei «Stammbaiz». Dört isch abr nit s'Ziel gsi, sondern im Bruune Mutz, wo mr no alli zämme z'Nacht gässe und dr Oobe usklinge loo hän.
