Nai das wär jetzt wirgglig vyyl z aifach, uss däm was em Grösse ungliggerwyys an däm Raisedaag unterwägs em Fluughaafebus bassiert isch, e groossi Gschicht z mache!!! Es isch ganz anderscht, nämmlig:
Will mr dur e Transfer vo dr WAG zer NAG nooni so richtig aakoo sinn, hänn mir Hinterlyt z spoot vo däre Glyggerais erfaare. Das macht aber grad gar nüt, will vorallem dr Diggi Pfyffer mit de zuesätzlige Marschrepertoire in Kopf yynebyyge gnueg z due hett!!!
Syt Joore due ych e digitaali Chronik über s Wettstai Glyggegschee produziere. Die Glyggerais uff Rotterdam isch derno au e Bstanddail dervoo. Do ych die Rais aber nit mitgmacht ha, hett mr s Foti- und Videomaterial vo däre Rais gfäält. Do hani Unterstützig bikoo vo dr Priska M., em Heavy Metal Bruno, em Sven und dr Melina vom Wettstaiblatt und em Christoph H. Vyyle häärzlige Dangg, dass ych s ha deerfe verwände. Zuedäm hani mi no im Internet schlau gmacht.
So isch eppis entstande, wo me als nit Mitraisende emänd anderscht gseet, als iir Dailnämmer das erlääbt hänn. Uff d Reaggzioon bini denn gspannt. Uuse kunnt dr 2.Dail vo dr digitaale Wettstaichronik 2019-2020 im Jänner 2020.
D no e Zämmefassig vo dr Glyggerais für d Hompage vom däm und fir die wo nit derbyy gsii sinn!!!
– Am Donnschtig dr Abfluug ab Euro Airport Basel in zwai Phase mit dr Landig in Amsterdam Shipol und em Bustransfer uff Rotterdam
– im Hotel yytschegge – in wellem scho wiider???
– e tolle Uusbligg vom Hotel
– e erschte Yydrugg vo dr Umgääbig
– Am Frytig mit ere Drämlifart Rotterdam kenne leer(n)e und z Schiedam Koemarkt uusstyyge
– z Schiedam hett me s Koffiehuis Zavor bsuecht, isch uff dr Raadhuistrap für s Foti aanegstande
– denn isch me im Lange Haven en Jenever- und Molenhotspots ondergedompeld!!! Zerscht hett de Molen de Walvish aagluegt, wo wie allewyyl no gmaale wiird.
– vo de Walvish Molen isch me zem Jenever Museum. Dat biedt verschillende Arrangementen. Deert hett me nit nur eppis iber d Jeneverhärstellig erfaare, benieuwd naar de smak van Jenever en aan Proverij nemen!!!
– e Dail isch vom Jenevermuseum ze De Bonte Koe Chocolade. Anderi hänn in dr t' Spul Jeneveri voorts zich volledig aan een Klaarwater wijden.
– aaschliessend hett me sich mit em Wasserbus in s Hotel zrugg schiffe losse, aber nit mit däm gääle Splashtoursbus, wo dr Nitdailnämmer gmaint hett!!! S isch e Katamaran Aqua Shuttle – also au kai gweenlige Schlappe – gsi.
– Dr Samschtig hett me sich sälber organisiert. E baar sinn mit em Zuug an Hoeck van Holland gfaare. Döört hänn sii by Stuurmwind gluegt, wie dr Bach als Maas in d Nordsee mündet und derzue no e Liedli gsunge!!! Syt denn sinns die säggs Standhafte!!!
– Anderi hänn z Rotterdam die seenswäärti Markthal agluegt …
… – und een goede kijk voor Kubushoizen kaa.
– Derbyy isch s flaniere mit Boot zeilen …
… – und au s sirffle nit vergässe woorde.
– s Haafefescht mit verschiedene Voorfierige und …
… – eme Fyyrwärgg isch au nit uusgloo woorde – en wel ze is leven op grote klompen!!! –
– Am Sunntig hett me sich – leven vanuit een ander hier en Rotterdam – wiider in Alldaag transferiere losse.
Peter und Luc, aber au Maggie und Rien, dass isch „Diggi Boscht", juschtemänt „Wettstai Boscht" wo Diir do organisiert hänn – bedankje elkaar.
Als nit Mitgraisde freu ych mi uff die näggschti so toll organisierti Glyggerais, woni denn hoffentlig au döörf derbyy sy.