Am nüünte Hornig 2020 hänn sich d Knorzi, dr Stamm Pilot U45/Ü45 und die Alti Garde hinter dr Sanggt Jakobshalle bym Pargghuus zer gmainsame Marschiebig droffe.
Pünggtlig am viertel ab Zääni sinn mr abgloffe und zwische dr St. Jakobshalle und dr Yyshalle-arena dure zem Joggeli-Gaartebad. Vo döört ischs dr Long Way Richtig Minchestai wyters bis zem Reschrorant Seegaarte. Duet me s Video gnau aaluege fallt uff, dass au zwai Altgardischte yygstande sinn, nämmlig dr Obmaa Peter und dr Vizeobmaa Kurt. Em Kurt e gueti Besserig, will är laider wägere Schulterprellig nit hett kenne pfyffe.
No em Zwüschehalt mit Verpflägig hett sich d Glygge uffdailt. Zerscht sinn d Knorzi, denn dr Stamm und zem Schluss die Nei Alti Garde (NAG) entlang em Seegaarte abgloffe.
Zerscht isch dr Stamm und denn NAG em Thomas W. vor d Linse gloffe.
Bym Pargghuus aakoo, sinn no Ainigi in s Reschtorant vo dr Yyshalle go sich verpflääge und s zämme luschtig ha.
Em Peter Sch. und Thomas W. vyyle Dangg für s Bildmaterial
dr Diggi Pfyffer