Marschiebig Grien80

Sunndig, 13. Februar 2022, 10i drmoorge. D’ Wettstai, Stamm und Knorzi, träffe sich bi schönschtem Wätter bim Joggeli-Parkhuus. Loos gohts traditionell mit de Alte, gfolgt vo witere Binggis-Märsch. Me spürt bi allne Aktive e grossi Vorfreud uf die ändligg widr stattfindendi Fasnacht. Nach eme wunderschöne Waggel durch d Grien80 mache mer Halt im Parkrestaurant, wo d’ Knorzi mit ihrne Fasnachtgottis- und göttis öbis drinke und sich kennelerne könne. Mit früscher Energie gohts jetzt widr zrugg zem Parkhuus, dismol abr Stamm und Knorzi trennt. Uf die 12i sin mer widr bim Parkhuus iitroffe, wo mr uns mit erhöhtem Fasnachtsfieber uf e Heimwäg gmacht hän.

Witer gohts in ere Wuche mit em Drummeli und drnoch haissts ändligg widr «Achtig –  Morgestraich – Vorwärts – Maarsch!»